Елдер мен кәсіпорындардың тұрақты экономикалық өсіміне қалай қол жеткізуге болады? Қ. Келімбетов пен А. Ван де Путтың мақаласы

Қазақстан қалпына келетін ресурстарды дамыту мен қайталама шикізатты өңдеу арқылы ЖІӨ өсімін 2%-ға дейін арттыра алады. Жаңа Жібек жолы барлық елдердің сауда, экономикалық өсімі мен тұрақты дамуын бастама аясында арттыруға әлеуетті. Бұл туралы Британиялық корольдік құнды қағаздар мен инвестициялар институтының (CISI) The Review журналында жарияланған АХҚО басқарушысы Қ.Келімбетов пен АХҚО Академиялық кеңесінің төрағасы А.Ван де Путтың мақаласында айтылған.

Жаңа Жібек жолы терминін алғаш рет А. Ван де Путт, Г. Дэвис және В. Чив Чик 2006 жылғы Дүниежүзілік экономикалық форумның есебінде қолданған. Онда Жаңа Жібек жолы ретінде Қытай мен Батыс Еуропаны байланыстыратын әрі Қазақстан арқылы өтетін 2500 шақырым теміржол желісі көрсетілген. Аталмыш бағыттағы тауар жеткізілімдері жеткізу уақыты мен логистикалық шығындарды едәуір қысқартады. Мәселен, Батыс Қытайдан Орталық Еуропаға Транссібір құрлық көпірі арқылы жүктерді тасымалдау үшін 14 күн, теңіз арқылы 45 күнге дейін уақыт қажет болса, ал Қазақстан арқылы жеткізу 8 күннен 10 күнге дейін ғана уақыт алады.

Алғашқы қосалқы экожүйе қатарына коммерциялық, жеке және инвестициялық банктер мен сақтандыру компаниялары сияқты дәстүрлі қаржы секторындағы ойыншылар енеді. Оның негізгі мақсаты ел экономикасы мен жалпы қоғамға – қаржы өнімдері мен қаржылық қызметтерді ұсыну болып табылады.

2016 жылы McKinse жаһандық институты зерттеуіне сәйкес, цифрлық сауда, оның ішінде цифрлық қаржы Жаңа Жібек жолы бойында тұрған дамушы нарыққа өсудің зор әлеуетін ұсынады. Ол елдерді төмендегілермен қамтамасыз етеді:

• 1,6 млрд адамға қаржы қызметтерін қолжетімді етеді;

• барлық секторларда 95 млн жаңа жұмыс орындарының ашылуы мен 3,5%-ға артуына мүмкіндік береді.

Авторлар зерттеуде өтімділік пен меншікті капиталды өсіруден алынған қаражатты табиғи ресурстарға бай елдерде ЖІӨ-нің жыл сайынғы өсуінің 2%-ын қамтамасыз ететін жаңартылған ресурстарды дамытуға және қайталама шикізатты өңдеуге бағыттауды ұсынады.