Alatau City Bank AIX биржасында Коммерциялық қағаздар бағдарламасынтіркеген алғашқы эмитент атанды
Astana International Exchange («AIX» немесе «Биржа») «Alatau City Bank» акционерлік қоғамы шығарған коммерциялық қағаздардың екі траншпен листингке енгізілгенін қуана хабарлайды. Аталған облигациялар жалпы сомасы 500 000 000 АҚШ доллары болатын бағдарлама аясында шығарылды. Орналастырылған транштар 6 және 12 ай мерзіммен өтеуге арналған, әрқайсысы 100 млн АҚШ доллары көлеміндегі дисконттық (купонсыз) коммерциялық қағаздардан тұрады.
Біржан Астаев, AIX Нарық және өнімдер жөніндегі басқарушы директоры:
«Бұл — AIX алаңындағы алғашқы коммерциялық облигациялар шығарылымы, және біз Alatau City Bank-ті өзінің дебюттік Бағдарламасының іске қосылуымен құттықтаймыз. Бұл маңызды кезең AIX ұсынған жаңа өнімдерге нарықтың оң көзқарасын, инфрақұрылымымызға деген сенімнің артуын және қысқамерзімді қаржыландыру мен қаржылық икемділікті көздейтін эмитенттердің қызығушылығының өскенін көрсетеді.»
Анықтамалық ақпарат:
AIX 2017 жылы «Астана» халықаралық қаржы орталығын дамыту аясында құрылды. AIX акционерлері қатарында АХҚО, Шанхай қор биржасы, Жібек Жолы Қоры және AIX сауда платформасын ұсынатын NASDAQ биржасы бар. Биржа ағылшын құқығы қағидаттарына негізделген нормативтік-құқықтық орта аясында жұмыс істейді, осылайша сенімді инвестициялық ортаны қамтамасыз етеді. AIX миссиясы – жеке және мемлекеттік бизнесті қаржыландыруды тарту үшін түсінікті және тиімді жағдайларды қамтамасыз ету есебінен Қазақстанда және өңірде капиталдың белсенді нарығын дамыту. AIX тау-кен компаниялары үшін арнайы сегменттерді, сондай-ақ «Белдеу және жол» бастамасы аясында инфрақұрылымдық жобаларды әзірлейді. Толығырақ ақпарат: www.aix.kz
«Астана» халықаралық қаржы орталығы (АХҚО) – бизнесті ашу және жүргізу, инвестициялар тарту, жұмыс орындарын құру және Қазақстан экономикасын дамыту үшін қолайлы құқықтық және реттеуші ортасы әрі дамыған инфрақұрылымы бар тәуелсіз юрисдикция. www.aifc.kz
