АХҚО дегеніміз не

Біздің пайымымыз — Қазақстан мен Орталық Азия өңіріндегі негізгі қаржылық хабқа айналу.

Біздің миссиямыз — Қазақстандағы қаржы саласын дамыту, оны инвестициялар үшін қолжетімді әрі тартымды ету, сондай-ақ инновацияларды енгізу және бизнеске жаңа жұмыс орындарын құруға көмектесу.

1. Қаржы қызметтері саласында қолайлы жағдайлар жасай отырып, Қазақстан экономикасына инвестициялар тартуға көмектесу.
2. Қазақстандық бағалы қағаздар нарығын халықаралық капитал нарықтарымен интеграциялай отырып дамыту.
3. Қазақстанда сақтандыру, банк қызметтері, исламдық қаржыландыру, қаржы технологиялары, цифрлық активтер, электрондық коммерция және инновациялық жобалар нарығын дамытуды ынталандыру.
4.Үздік халықаралық практикалар негізінде қаржылық және кәсіби қызметтерді дамыту.
5. Қаржы орталығы ретінде халықаралық танылу.

Дамуға ұмтылыс: біз әрқашан жаңа белестерге жетуге, үздіксіз жетілуге ұмтыламыз және өсуге, болашақ мүмкіндіктерді іздеуге, жоғары сапаға қол жеткізуге баса назар аударамыз. Дамуға деген ұмтылыс бізге тұрақтылықты, мотивацияны сақтауға және идеяларды нақты, маңызды әрекеттерге айналдыруға көмектеседі.
Тапқырлық: біз креативті көзқарасты ұстанып, инновацияларды енгізіп, күрделі мәселелерді тиімді шешеміз. Өзгерістерге бейімделуге және тұрақты табысқа жетуге мүмкіндік беретін жаңа идеялар мен технологиялық шешімдерге ашықпыз.
Әділеттілік: біз сенімді адалдық, ашықтық және баршаға бірдей әділ қарым-қатынас арқылы қалыптастырамыз. Жынысына, ұлтына, жасына, дініне немесе басқа да жеке ерекшеліктеріне қарамастан, серіктестер мен мүдделі тараптар алдындағы міндеттемелерімізді орындаймыз.
Жауапкершілік: біз қабылдаған шешімдеріміз, іс-әрекеттеріміз және олардың нәтижелері үшін толық жауапкершілік аламыз. Күтілген нәтижелерге қол жеткізуге және олардан асып түсуге ұмтылып, өз қабілетімізге деген сенімді нығайтамыз.