АХҚО аймақта бірінші болып – жедел дамып келе жатқан және перспективалы инвестициялық сегмент – исламдық қаржыландыру жүйесіне қол жеткізуге мүмкіндік берді. Түрлі бағалаулар бойынша осы сегменттің әлемдегі көлемі 2023 жылға қарай 3,8 трлн дейін немесе әлемдік қаржы секторының жиынтық активтерінің 1% өсуімен 2,5 трлн доллардан асады. Исламдық қаржыландырудың ірі секторы исламдық банкинг (1,7 трлн АҚШ доллары немесе исламдық қаржы секторының жиынтық активтерінің 70%), сонымен қатар сақтандыру (такафул) және исламдық капитал нарығы белсенді дамып келеді.
Қазақстан мемлекеттік және муниципалды жобалар үшін де, жеке жобалар үшін де балама қаржыландыру көздерін құру мақсатында исламдық қаржыландыру индустриясын дамытуды жоспарлап отыр. Ол үшін Қазақстан мен АХҚО алаңында халықаралық тәжірибе мен стандарттарға сай келетін инфрақұрылым мен нормативтік-құқтық база құрылды. АХҚО алаңында исламдық қаржылық қызмет көрсету индустриясы исламдық банктердің, активтерді басқару жөніндегі компаниялардың, инвестициялық қорлардың, такафул және ретакафул компаниялардың, басқа да исламдық қаржы ұйымдарының, сондай-ақ жетекші халықаралық исламдық қаржы институттарының қатысушыларын қамтиды.
