Вьетнам делегациясы АХҚО қызметімен танысты
АӨСШК-нің 6 – шы саммитіне қатысу үшін Қазақстан Республикасына келген Вьетнам Республикасының делегациясы «Астана» халықаралық қаржы орталығының (бұдан әрі-АХҚО) қызметімен танысты. Делегацияны АХҚО Басқарушысы Қайрат Келімбетов қарсы алды.
Сапар барысында қонақтарға юрисдикцияның артықшылықтары, сондай-ақ АХҚО қызметінің негізгі түрлері және АХҚО Соты мен Халықаралық төрелік орталығы, Қаржылық қызметтер көрсетуді реттеу комитеті, жасыл қаржы Орталығы, Тех хаб, Экспат орталығы, АХҚО биржасы және т. б. сияқты органдары мен ұйымдарының жұмысы ұсынылды.
Вьетнам Сыртқы істер министрінің орынбасары Ха Ким Нгок бастаған делегация АХҚО юрисдикциясында қолданылатын жалпы құқықтың қағидаттары мен нормаларына, салықтық преференцияларға және визалық жеңілдіктерге негізделген ерекше құқықтық режиммен танысты.
Тараптар цифрлық активтер индустриясын әлеуетті дамыту мен қазақстандық және вьетнамдық стартаптардың импорты мен экспорты бойынша арнаны жолға қою мәселелері бойынша пікір алмасты.
Кездесу қорытындысы бойынша өзара қарым-қатынастарды одан әрі нығайту, оның ішінде инновациялар мен технологиялық әзірлемелер саласындағы жұмыстарды жалғастыру туралы уағдаластыққа қол жеткізілді.
Анықтама:
Астана халықаралық қаржы орталығы (АХҚО) 2018 жылы жұмысын бастаған тәуелсіз юрисдикция. 2025 жылға дейінгі Даму Cтратегиясына сәйкес АХҚО-ның негізгі міндеті ЕАЭО, Орталық Азия және Кавказ елдерін байланыстыратын әмбебап платформа ретінде бекiтiлуi болып табылады. www.aifc.kz
Азиядағы өзара іс-қимыл және сенім шаралары жөніндегі кеңес (АӨСШК) Азиядағы бейбітшілікті, қауіпсіздік пен тұрақтылықты қамтамасыз етуге бағытталған ынтымақтастықты нығайту жөніндегі халықаралық форум болып табылады. АӨСШК-Азия мен жаһандық әлемдегі бейбітшілік, қауіпсіздік пен тұрақтылық арасындағы тікелей байланысты түсінуге негізделген форум. Мүше мемлекеттер БҰҰ Жарғысына адалдықтарын растай отырып, Азиядағы бейбітшілік пен қауіпсіздікке Азиядағы ортақ бөлінбейтін қауіпсіздікке әкелетін диалог пен ынтымақтастық арқылы қол жеткізуге болады деп санайды. https://www.s-cica.org/ru
