Cerebra АХҚО мүшесі VentureRocket Eurasia платформасында 200 000 АҚШ доллар сомасын тартты
АХҚО қатысушысы әрі қазақстандық медициналық технологиялар стартабы Cerebra стартаптарды басқару ортасы және толық реттелетін ортада бірлескен инвестицияларды жүзеге асыруға мүмкіндік беретін дәлелденген стартаптарды, аккредиттелген инвесторларды және басқа экожүйе қатысушыларын біріктіретін Орталық Азиядағы алғашқы стартап инвестициялық платформасында — VentureRocket Eurasia-да — фандрайзинг науқанын бастады.
2018 жылы негізі қаланған Cerebra (www.cerebra.kz) инсультты 3 минут ішінде анықтауға, неврологиялық тапшылықтың алдын алуға және осылайша адам өмірін сақтап қалуға көмектесетін AI негізіндегі инновациялық автоматтандырылған бағдарламалық шешім болып табылады. Қазірдің өзінде Қазақстандағы барлық ауруханалардың 34%-дан астамы Cerebra бета-шешімін пайдаланады, ал стартаптың өзі жаһандық компаниялар тарапынан денсаулық сақтау саласындағы үздік аймақтық технологиялық шешімдердің бірі және үздік инновациялық стартап ретінде танылып отыр.
«Біз инсульт диагнозын автоматтандыру үшін белгілі бір бағытты көздейтін жасанды интеллект қолданамыз. Кәсіби тілмен айтқанда, бұл инсульт қызметімен айналысатын дәрігерлерге арналған, рентгенологиялық суреттер мен клиникалық деректерден жедел цереброваскулярлық бұзылыс белгілерін анықтау үшін қолданылатын кейінгі өңдеу бағдарламалық құралы», — дейді Cerebra бас директоры Досжан Жүсіпов.
Стартап VentureRocket Eurasia платформасында 200 000 доллар жинауды жоспарлап отыр. Мәміле инвесторларға венчурлік фондтармен және тәжірибелі періште инвесторларымен бірге төмен бағада инвестициялауға мүмкіндік беретін SPC құру арқылы SAFE келісімі бойынша құрылымдалады.
Жиналған капитал қазақстандық нарықтағы стартаптың одан әрі өсуіне, сондай-ақ Ұлыбритания мен Түркиядағы қызметті кеңейтуге жұмсалмақ. Жиналған капиталға сүйене отырып, стартап сонымен қатар CE/UKCA сертификаттауын, бас-ми жарақаты (ЧМТ) бойынша зерттеулер мен әзірлемелерді, сондай-ақ МРТ, КТ-перфузиясы және КТ-ангиографиясын аяқтауды жоспарлап отыр.
Қаражат жинау науқаны 2022 жылдың қыркүйек айының соңына дейін жалғасады.
2020 жылдың қыркүйегінде Cerebra командасы финтех, жасанды интеллект, электронды коммерция, ойын-сауық, тамақ, логистика және исламдық цифрлық экономика салаларындағы аймақтық стартаптарға инвестиция салатын Орталық Азиядағы венчурлік компаниясы Quest Ventures (www.questventures.com) Kazakhstan Digital Accelerator аясында ретінде 50 000 АҚШ доллары сомасына ие болды.
«Cerebra – Kazakhstan Digital Accelerator бірінші ағынының жоба-түлегі және венчурлік қаржыландырудың барлық классиктеріне инвестиция тартатын тарихтағы алғашқы терең технология», — дейді Quest Ventures инвестициялық директоры Руслан Рақымбай.
«Cerebra – deep technologies саласындағы болашағы зор стартап. Оның жетістігі Қазақстандағы AI және медициналық технологиялар саласының одан әрі дамуына әсер ететіні сөзсіз», — деп VentureRocket Eurasia бас директоры Арслан Құдияр өз ойымен бөлісті.
Қосымша ақпарат алу және Cerebra командасымен байланысу үшін келесі сілтеме арқылы VentureRocket Eurasia платформасына тіркеліңіз — https://eco.venturerocket.vc/
Анықтамалық ақпарат:
Астана халықаралық қаржы орталығы (АХҚО) 2018 жылы жұмысын бастаған тәуелсіз юрисдикция. 2025 жылға дейінгі Даму Cтратегиясына сәйкес АХҚО-ның негізгі міндеті ЕАЭО, Орталық Азия және Кавказ елдерін байланыстыратын әмбебап платформа ретінде бекiтiлуi болып табылады. www.aifc.kz
АХҚО Tech Hub – жаһандық стартаптар, кәсіпкерлер, корпорациялар, инвесторлар, жетекші сала сарапшылары мен кәсіпқойлар үшін байланыс нүктесі. АХҚО-да технологияның дамуы стартаптарды, корпоративтік инновацияларды, венчурлік капитал нарығын қолдау бағдарламаларын, арнайы әзірленген ережелерді және технологиялар саласындағы өнімдер мен шешімдерді сынауға мүмкіндік беретін реттеушіні қамтиды. https://tech.aifc.kz/
VentureRocket Eurasia – АХҚО Tech Hub және Titanium Technologies (https://titanium-tech.net/) жаһандық зерттеу және инновациялық компаниясы жасаған стартаптарды басқару және инвестициялық платформасы.
Бұл — аймақтық және жаһандық инвесторларға бағытталған Орталық Азиядағы стартаптарға бірлескен инвестициялауға арналған алғашқы платформа.
Quest Ventures – Орталық Азиядағы жетекші венчурлік компаниялардың бірі, ол 2011 жылдан бастап әртүрлі салалардағы (AI, электрондық коммерция, ойын-сауық, қаржы, спорт, исламдық цифрлық экономика) Орталық Азиядағы жүзден астам технологиялық стартаптарға инвестициялайды.
