Жобалар пулын қалыптастыру

Junior Mining Platform жобалар пулын қалыптастыру қолданыстағы лицензиясы бар тау-кен жобалары иелерінен келіп түскен өтінімдер негізінде жүзеге асырылады.

Бірінші кезеңде өтініш берушілер жоба туралы базалық ақпаратты, оның ішінде даму сатысы, лицензия туралы мәліметтерді, меншік құрылымы және негізгі геологиялық деректерді, сондай-ақ платформа талаптарына сәйкес құжаттар жиынтығын ұсынады.

Келіп түскен өтінімдер белгіленген өлшемшарттар бойынша алдын ала screening рәсімінен өтеді, бұл өлшемшарттар жобаның даму сатысына байланысты сараланады. Ерте кезең жобалары үшін лицензияның болуы, базалық геологиялық деректер және жұмыс бағдарламасы бағаланады, ал неғұрлым жетілген жобалар үшін техникалық, экологиялық, инфрақұрылымдық және экономикалық ақпараттың кеңейтілген пакеті қарастырылады. Жобалардың даму сатылары мен іріктеу өлшемшарттарының толық сипаттамасы жеке жүктеу құжатында қолжетімді.

Қарау нәтижелері бойынша жобалар даму сатысы мен пайдалы қазба түрі бойынша жүйеленеді, бұл оларды салыстыруды және инвесторлар тарапынан талдауды жеңілдетеді.

Осылай қалыптастырылған пул алдын ала бағалаудан өткен және Astana Finance Days іс-шарасы аясындағы Junior Mining Investment Day шеңберінде инвесторларға таныстыруға дайын жобаларды, сондай-ақ B2B форматында әрі қарай өзара іс-қимыл жасауға арналған жобаларды қамтиды.