Орталық Азиядағы стартаптарға арналған Venture Rocket Eurasia алғашқы бірлесе инвестициялау платформасы Astana Finance Days конференциясына қатысады

Финтех Хаб қарамағындағы Venture Rocket Eurasia (VRE), Орталық Азиядағы стартаптарға арналған бірлесе инвестициялау платформасы Astana Finance Days конференциясының онлайн сессиясы аясында өзінің алғашқы фандрайзинг кампаниясы туралы хабарлайды. 

Платформада қаражат жинау үшін VRE Инвестициялық Комитетінің таңдап алған әлеуетті стартаптар арасында осыған дейінгі Demo Day шарасына қатысқандар да бар. Атап айтқанда:

• Billz (шағын және орта бизнес үшін сауда саттықты басқаруға арналған бағдарлама)
• Okoo (онлайн-оқыту платформасы);
• KidSecurity (отбасы қауіпсіздігіне арналған қосымша);
• Instashop (азық-түлік жеткізуге арналған қосымша);
• Smart Gas (жанармай құю бекеттеріндегі төлем қызметі).

Сонымен қатар VRE негізін қалаушы-серіктесі, Titanium Technologies жаһандық ғылыми-зерттеу және инновациялық компаниясы, Venture Studio концептін ұсынады. Бұл стартаптарға өз кампанияларын жаңадан құруға және кеңейтуге мүмкіндік береді. Venture Studio, сонымен қатар, стартаптарға стратегиялық жоспарлау, техникалық іріктеу және талдау, заңгерлік мәселелер мен авторизациялау, инвесторлармен байланыс орнату сияқты қызметтерді ұсынады. 

Сонымен қатар сессияға британдық Sturgeon Capital инвестициялық бутигінің ақпараттық технологиялар бойынша бас директоры Киян Зандие қатысады. Ол Орталық Азияға инвестиция салу тәжірибесі туралы, өңірдегі үрдістер туралы сөз қозғап, мәліметтерімен және өз ойымен бөліседі. 

Онлайн сессияға қосылу үшін келесі сілтеме арқылы тіркеуіңізді өтінеміз: https://astanafindays.org.

Анықтамалық ақпарат:

Venture Rocket Eurasia  – АХҚО, AIFC Fintech Hub және Titanium Technologies жаһандық ғылыми-зерттеу және инновациялық компаниясы құрған стартаптардың экожүйесіне инвестициялау және басқаруға арналған платформа.

Платформа стартаптар үшін аймақтық және жаһандық балама капитал көздерін тартуға мүмкіндік береді. Инвесторлар үшін бұл платформа тексерілген стартаптармен ынтымақтасу, серіктестермен бірге инвестициялау, өздерінің стартап портфелін қолдау үшін экожүйе мүшелерінің ғаламдық желісіне қол жеткізу мүмкіндігі болып табылады. https://venturerocket.vc/