АХҚО Tech Hub дайындаған «Қазақстандағы финтех стартап нарығын зерттеу»
АХҚО Tech Hub Қазақстандағы финтех стартап нарығына зерттеу жүргізді. Оның барысында сауалнама жүргізілді. Нарық туралы, оған қоса тартылған инвестициялар мен басқа ойыншылармен қарым-қатынас туралы мәліметтер жиналды. Деректерге сүйене отырып, Қазақстандағы финтех стартаптың негізін қалаушы мен топтың мүсіндері құрастырылды. Сонымен қатар, стартаптардың өз бизнесін дамытуда кездесетін мәселелер анықталды және кәсіпкерлердің қаржы институттарымен қарым-қатынасы талданды.
Зерттеуге сәйкес, орташа қазақстандық финтех стартапы бір-үш жыл бұрын іске қосылған. Стартаптардың үштен бірі прототип пен алғашқы сатылым сатысында, компаниялардың 40%-ы кірістің өсу сатысында, компаниялардың 16%-ы жаңа нарыққа шығуда. Жобалардың 9%-ы алғашқы сатыда.
Стартаптарды әдетте жастар мен кешегі студенттердің жобалары ретінде қарастырады. Шын мәнінде зерттеулер көрсеткендей, стартап негізін қалаушылардың орташа жасы 25 пен 40 жас аралығында. Әдетте, стартап қалаушының ІТ немесе бизнес әкімшілікте технология бойынша жоғары білімі бар. 18-25 жас аралығындағы қалаушылардың үлесі тек 11%-ды құрайды. Стартап негізін қалаушылардың көпшілігі Нұр-Сұлтан және Алматы қалаларынан шыққан. Көбіне ер адамдар өздерінің жеке жобасын бастауға ынталы түрде бел буады. Жаңадан бастаушылардың арасында әйелдер саны өте аз, тек 18%-ды құрайды.
https://fintech.aifc.kz/reports/ сілтемесіне өтіп, финтехтегі танымал бағыттар мен зерттеулердің 15 болашағы бар деген стартаптар туралы толығырақ оқуға болады.
Анықтамалық ақпарат:
Астана халықаралық қаржы орталығы (АХҚО) Қазақстан Республикасының Тұңғыш Президенті Нұрсұлтан Назарбаевтың бастамасымен құрылды. АХҚО-ны құру туралы конституциялық заңға 2015 жылдың 7 желтоқсанында қол қойылған. АХҚО мақсаты – халықаралық қаржылық қызметтердің жетекші орталығын қалыптастыру. АХҚО-ның мақсаты – ел экономикасына инвестиция тартуға көмектесу, қаржылық қызметтерге инвестициялау үшін тартымды орта құру, Қазақстан Республикасының бағалы қағаздар нарығын дамыту және оның халықаралық капитал нарықтарымен интеграциясын қамтамасыз ету. www.aifc.kz
АХҚО Финтех хабы – бұл жаһандық стартаптар, кәсіпкерлер, корпорациялар, инвесторлар, жетекші салалық сарапшылар мен мамандардың кездесу орны. АХҚО-да финтехтің дамуы стартаптарды қолдау бағдарламаларын, корпоративтік инновацияларды, венчурлық капитал нарығын, арнайы әзірленген ережелер мен финтех саласындағы өнімдер мен шешімдерді сынауға мүмкіндік беретін реттегішті қамтиды. http://www.fintech.aifc.kz/
