АХҚО Tech Hub Өзбекстандағы ПЛАС-форумда корпоративтік инновациялар секциясын өткізеді
25–26 мамырда АХҚО Tech Hub халықаралық ПЛАС-форум аясында Өзбекстанның Ташкент қаласында бірқатар ашық іс-шаралар: “Банктер және ритейл. Цифрлық трансформация және өзара әрекеттесу” өткізеді. Форум Өзбекстан Республикасы Орталық банкінің қолдауымен өтеді. Форумның басты демеушісі – Visa.
Форум аясында АХҚО Tech Hub және Mastercard сарапшылары Қазақстан банктері үшін алғашқы финтех-акселератор кейсінің тұсаукесерін ұсынады, сондай-ақ Интернет-бастамаларды дамыту қорымен (ФРИИ) бірлесіп форум қатысушылары мен қонақтары үшін “Корпоративтік инновациялар цифрлық трансформация элементі ретінде” панельдік пікірсайысын өткізеді.
Ірі аймақтық банктер мен бөлшек сауда компанияларының өкілдері сандық трансформация тәжірибесімен, жаңа өнімдерді енгізудің құнды түсініктерімен және жағдайларымен бөліседі. Сессия спикерлері арасында X5 Retail Group, Freedom Finance Bank, Magnum, Raiffeisen, KPMG Central Asia және т. б. бар.
Форумның басқа да спикерлері арасында Өзбекстан Республикасы Орталық банкінің Басқарма мүшелері, Visa, Boston Consulting Group, QIWI өкілдері және т.б. бар.
Іс-шара гибридті форматта, онлайн және ойлайн, өтеді. Форум туралы толығырақ ақпаратқа қол жеткізуге және форумға тіркелуге мына сілтеме бойынша өтіңіз https://uz.plus-forum.com/
Анықтамалық ақпарат:
Астана халықаралық қаржы орталығы (АХҚО) – 2018 жылы жұмысын бастаған тәуелсіз юрисдикция. 2025 жылға дейінгі Даму Cтратегиясына сәйкес АХҚО-ның негізгі міндеті ЕАЭО, Орталық Азия және Кавказ елдерін байланыстыратын әмбебап платформа ретінде бекiтiлуi болып табылады. www.aifc.kz
АХҚО Tech Hub – бұл дүниежүзілік стартаптардың, кәсіпкерлердің, корпорациялардың, инвесторлардың, индустрияның жетекші сарапшылары мен мамандардың тоғысу орталығы. АХҚО-да технологиялардың дамуы стартаптарды қолдау бағдарламаларын, корпоративтік инновацияларды, венчурлық капитал нарығын, арнайы әзірленген ережелер мен технологиялар саласындағы өнімдер мен шешімдерді сынауға мүмкіндік беретін реттеушіні қамтиды. https://tech.aifc.kz/
ИБДҚ – бұл ресейлік венчурлық қор, транзакциялар саны бойынша Еуропадағы ең белсенді қорлардың бірі. Қор 450 -ден астам компанияға инвестиция салды, олардың оншақтысы әлемдік нарықта жұмыс істейді. Компанияларға білім беру және консультациялық қолдау көрсетеді – 1400+ стартаптар мен компаниялар ИБДҚ бағдарламаларын аяқтады. Интернет-бизнес пен венчурлық капитал саласын құқықтық реттеу әдістерін әзірлеуге қатысады. ИБДҚ – корпоративтік инновациялық нарықтағы негізгі ойыншылардың бірі. Корпорацияларға инновациялар бойынша кеңес береді, стартап-технологияларды шешуге көмектеседі және ішкі кәсіпкерлерді дамытады. ИБДҚ командасы ішкі өнім топтарын дайындайды және ішкі өнім топтарының жұмысын тездетеді.
