«Астана» халықаралық қаржы орталығы Климаттық облигациялар бойынша бастамалар конференциясына қатысуда
Лондонда «Астана» халықаралық қаржы орталығының (АХҚО) делегациясы қатысып отырған Климаттық облигациялар (CBI) бойынша бастамасының конференциясы басталды. Конференция жасыл облигациялар нарығын, жасыл жобалардың инвестициялық әлеуетін дамыту мәселелеріне, жасыл қаржыландыруды енгізу және табысты кейстерді кеңейту бойынша елдер қолданатын іс-шараларға арналған.
Конференция аясында АХҚО Басқарушысы Қайрат Келімбетің CBI басшысы Шон Киднимен екіжақты кездесуі, сондай-ақ Green Bond Pioneer Awards жеңімпаздарына құрмет көрсету рәсімі өтті. Бірқатар жеңімпаз АХҚО Басқарушысының қолынан марапатқа ие болды.
Қ. Келімбетов конференция ұйымдастырушыларына АХҚО қызметін жасыл жобаларды қаржыландыруға мүдделі инвесторларға ұсыну мүмкіндігі үшін алғысын білдірді.
«Біз Қазақстанда тұрақты экономикалық және жасыл қаржыландыру жүйесінің өсуін қамтамасыз ету үшін әлеуетті арттырамыз және қаржыландыруды кеңейтеміз. Бізді инвесторлардың қызығушылығы қуантып отыр. Орталық Азиядағы жасыл капитал нарығын дамытуды жеделдету үшін одан әрі қадамдар жасаймыз», – деп атап өтті АХҚО Басқарушысы.
АХҚО делегациясының өкілдері «Тұрақты дамудың қаржы орталықтары нарықтың дамуына қалай көмектеседі» атты дөңгелек үстелге қатысып, «Реттеушілер және жасыл қаржының өсуі» тақырыбында сөз сөйледі.
Айта кету керек, ағымдағы жылдың ақпан айында АХҚО климат облигациялары бойынша бастамамен (CBI) – инвесторларға бағдарланған және төмен көміртекті экономикаға ірі ауқымды инвестицияларды тартуға ықпал ететін коммерциялық емес ұйым болып табылатын мүшелік туралы келісімге қол қойды.
Climate Bonds серіктестік бағдарламасына қосылу АХҚО климаттың өзгеруіне төзімді және көміртегі шығарындыларының төмен деңгейі бар ұзақ мерзімді инфрақұрылымдық жобалар үшін қажетті жасыл капитал ағындары үшін аймақты тартымды ету мақсатына сәйкес келеді. АХҚО Орталық Азия елдері арасында CBI-дің алғашқы серіктесі болып табылады.
Сұраулар:
АХҚО Қазақстан Республикасының Президенті Нұрсұлтан Назарбаевтың бастамасымен құрылды. Орталық 2015 жылғы желтоқсан айында қабылданған «Астана» халықаралық қаржы орталығын (АХҚО) құру туралы Конституциялық заңға сәйкес қызмет етеді. АХҚО-ның міндеттері қаржылық қызметтер саласында инвестициялау үшін тартымды орта құру арқылы ел экономикасына инвестициялар тартуға жәрдемдесу, Қазақстан Республикасының бағалы қағаздар нарығын дамыту, оның халықаралық капитал нарықтарымен ықпалдасуын қамтамасыз ету. АХҚО сондай-ақ елімізде сақтандыру, банк қызметтері мен исламдық қаржыландыру нарығын дамытуға ниеттенеді. www.aifc.kz
CBI. Инвесторларға бағдарланған және климаттың өзгеру проблемаларын шешу үшін облигациялар нарығын жұмылдырумен ғана жұмыс істейтін халықаралық коммерциялық емес ұйым. CBI нарықты ақпараттандыру және ынталандыру мақсатында ақпараттық-насихаттау жұмыстарын жүргізеді, саясат модельдерін және үкіметтік ұсынымдарды, нарықтық деректер мен талдауды ұсынады, сондай-ақ климаттық облигациялардың стандарттар мен сертификаттау жүйесін басқарады. Қосымша ақпарат алу үшін climatebonds.net сайтына кіріңіз.
Климаттық облигациялар бойынша серіктестік бағдарлама. Банктер, институционалдық инвесторлар, жеке және үкіметтік емес ұйымдар (ҮЕҰ), үкімет жасыл және климаттық облигациялар нарығының өсуіне жәрдемдесу үшін климаттық байланыстар бойынша серіктес ретінде бағдарламаға қосылуға құқылы. Серіктестер Климаттық қаржыландыру бойынша шешімдерге инвестицияларды ұлғайту жөніндегі бастамаларды әзірлеуге жәрдем көрсетеді, нарықты дамыту жөніндегі әртүрлі комитеттерге қатысады және жасыл облигациялардың секторалдық, елдік және субұлттық нарықтары үшін бағдарламалық жоспарларды айқындауға көмектеседі. Серіктестер тізімі осы сілтеме бойынша.
