АХҚО-ның Қаржылық қызметтер көрсетуді реттеу жөніндегі комитеті мен Кипрдің бағалы қағаздар және биржалар бойынша комиссиясы капитал нарықтары саласындағы ынтымақтастықты жандандыруға келісті
АХҚО-ның Қаржылық қызметтер көрсетуді реттеу жөніндегі комитеті (АФСА) Кипрдің бағалы қағаздар және биржалар бойынша комиссиясымен (CySEC) Өзара түсіністік туралы меморандум (MoU) және Балама инвестициялар саласында өзара түсіністік туралы меморандумға (AIFMD MoU) қол қойды.
Өзара түсіністік туралы меморандумға қол қою екі қадағалаушы орган арасындағы ынтымақтастықты, атап айтқанда ақпарат пен техникалық білім алмасуды жеңілдетуге мүмкіндік береді. Келісім АФСА мен CySEC үшін бағалы қағаздар нарығын реттейтін ықтимал заң бұзушылықтары бойынша тергеу жұмыстарын тиімді жүргізуге негіз болып табылады. Екі орган сәйкесінше нарықтардың тұтастығын сақтау, инвесторлардың мүдделерін қорғау және бағалы қағаздар нарығының тұрақты дамуына ықпал ету үшін тығыз жұмыс істейтін болады.
Балама инвестициялар саласында өзара түсіністік туралы меморандумға қол қою ынтымақтастық пен инвестициялық қорлар менеджерлерінің трансшекаралық бақылауын күшейтеді. ЕО-тан тыс қор менеджерлері мен ЕО-тың қаржы менеджерлері делегациясы арқылы ЕО нарықтарына немесе қорларды басқаруға қол жеткізе алады.
