АХҚО соты, Халықаралық төрелік орталық және Англия мен Уэльс заңгерлер қауымдастығы өзара түсіністік туралы Меморандумдарға қол қойды
4 наурызда АХҚО соты және Халықаралық төрелік орталығы («ХТО») Англия және Уэльс заңгерлер қауымдастығымен (Law Society of England and Wales) өзара түсіністік туралы Меморандумға қол қойды. Заңгерлердің қауымдастығы АХҚО және ХТО сотының өз юрисдикцияларында және халықаралық деңгейде заң үстемдігін қамтамасыз етуде және ілгерілетуде стратегиялық серіктесі болып табылады.
Қол қою рәсімі Англия және Уэльс заңгерлері қауымдастығы Адвокаттар кеңесімен (Bar Council), АХҚО және ХТО сотымен бірлесіп ұйымдастырған арнайы семинар шеңберінде өтті. Семинарды Англия және Уэльс Заңгерлері қауымдастығының президенті Кристина Блэклос ашты.
«Біз АХҚО және ХТО сотымен өзара түсіністік туралы Меморандумдарға қол қоюға қуаныштымыз. Олар ағылшын ортақ құқығын халықаралық деңгейде ілгерілетуге көмектеседі деп сенімдіміз. Заңгерлер қауымдастығы АХҚО-дағы әріптестерімізбен ағылшын ортақ құқығы саласында тәжірибе және үздікіс-тәжірибелермен алмасуға ниетті. Біз Қазақстандағы заң мамандығы тәуелсіздігімен заң үстемдігін қорғау және нығайту жөніндегі ынтымақтастыққа қуаныштымыз. Біздің мүшелеріміз халықаралық деңгейде жұмыс істейді, АХҚО біздіңм үшелерімізге өздерінің клиенттерінің мүддесі үшін қазақстандық әріптестерімен ынтымақтасуға мүмкіндік береді», – деді К. Блэклос.
«Мен біздің ынтымақтастығымыз Меморандумның арқасында заң үстемдігін одан әрі дамытуға және Ұлыбританияда, Қазақстанда және халықаралық деңгейде ілгерілетуге жәрдемдесетін болады деп сенімдімін. Меморандум халықаралық заң қызметтерінің маңыздылығын және сондай-ақ біздің Қазақстандағы АХҚО сотын қоса алғанда, соттардағы ең жоғары кәсіби стандарттар менжүріс-тұрыс ұстанымдарына бейімділікті одан әрі баса көрсетеді», – деп атап өтті АХҚО сот төрағасы, Лорд Вульф.
«Біз Заңгерлер қауымдастығымен және оның мүшелерімен белсенді ынтымақтасуға қуаныштымыз. Меморандум біздің өзара түсіністігімізді тереңдетуге көмектеседі және бірлескен жұмысқа үлес қосады, өйткені ХТО Еуразиядағы дауларды баламалы шешу үшін таңдаудың бірінші нөмірі болуға ұмтылады», – деп атап өтті ХТО төрағасы, Барбара Доманн QC.
Семинар шеңберінде Британдық заңгерлер АХҚО және ХТО сотымен, олардың қызметтерін пайдалану тәртібімен, ТМД аймағындағы клиенттер үшін ынтымақтастықтың және жұмыстың болашақ мүмкіндіктерімен танысты.
Заңгерлер қауымдастығы-Англиядан және Уэльстен 180 000 астам адвокаттары бар кәсіби қауымдастық. Ол адвокаттардың құқықтарын ұсынады, алға бастырады және қолдайды. Қауымдастық заң барлығы үшін бірдей және сотәділдігіне барлығының қол жеткізу үшін кепілдігі үшін жұмыс істейді.
Заңгерлер қауымдастығы АХҚО және ХТО сотының білім беру және ақпараттық қызметіне белсенді қатысатын болады. Кәсіпқойлық пен клиентке қамқорлық жасаудың жоғары стандарттарына сүйене отырып, заң мамандығын дамыту үшін бірлескен семинарлар мен тренингтер жоспарланған.
Анықтама ретінде:
АХҚО. 2015 жылғы желтоқсан айында Қазақстан Республикасының Президенті Нұрсұлтан Назарбаев «Астана» халықаралық қаржы орталығын (АХҚО) құру туралы Конституциялық заңға қол қойды. АХҚО-ның мақсаты қаржылық қызметтерді көрсететін халықаралық деңгейдегі жетекші орталық қалыптастыру болып табылады. Посткеңестік кеңістікте тұңғыш рет ағылшын құқығының қағидаттары енгізіледі, қаржы орталығының ресми тілі – ағылшын тілі болады.
АХҚО-ның міндеттері қаржылық қызметтер саласында инвестициялау үшін тартымды орта құру арқылы ел экономикасына инвестициялар тартуға жәрдемдесу, Қазақстан Республикасының бағалы қағаздар нарығын дамыту, оның халықаралық капитал нарықтарымен ықпалдасуын қамтамасыз ету. АХҚО сондай-ақ елімізде сақтандыру, банк қызметтері мен исламдық қаржыландыру нарығын дамытуға ниеттенеді. https://aifc.kz/kz
АХҚО соты (AIFC Court) тәуелсіз заңды тұлға болып табылады. Оның өзінің Англия қоғамдық құқығы жүйесінің процедуралары мен алдыңғы қатарлы халықаралық практикаға негізделген өздерінің процесуалдық нормалары мен қағидалары бар. АХҚО соты өзінің қызметінде ешкімге тәуелсіз және Қазақстан Республикасының сот жүйесіне кірмейді. АХҚО соты бірінші шағымдану соты мен апелляциялық сотынан тұрады. Бірінші шағым соты шағым сомасы шамалы дауларға арналған сот ретінде белгілі арнайы бөлімшеден тұрады.
АХҚО соты АХҚО қызметі мен операциясынан туындайтын дауларды шешуді қамтамасыз етуге арналған айрықша юрисдикцияға ие, ол бойынша барлық тараптар АХҚО сотын пайдалану туралы жазбаша келісімге келді. Алайда АХҚО соты қылмыстық немесе әкімшілік сипаттағы кез келген дауға қатысты юрисдикцияға ие болмайды. АХҚО соты істерді қарастыруда барынша тиімді және алдыңғы қатарлы практиканы қолданады.
Халықаралық төрелік орталық АХҚО (AIFC International Arbitration Centre) тәуелсіз заңды тұлға болып табылады. Оның өзінде жетекші халықаралық практика негізінде құрастырылған меншікті өзінің процедуралық ережелері бар. ХТО мұнай-газ, сауда, құрылыс, энергетикалық, ислам қаржысы саласы, банк саласы мен авторлық құқықты қорғау саласы сияқты коммерциялық құқық салаларында төрелік пен медицация да жылдар бойына бірлесіп жинағын тәжірибелі, біліктілігі жоғары төрешілер мен медиаторлардан құралған өз алқасына ие. Халықаралық Төрелік орталық шешімдері Қазақстанда да, сонымен бірге әлемде де танылып орындалады.
