Astana International Exchange Қазақстан Даму Банкі еурооблигацияларының листингі туралы хабарлайды
Astana International Exchange («AIX», «Биржа») Қазақстан Даму Банкі («ҚДБ») шығарған аға қамтамасыз етілмеген облигациялардың жаңа траншының листингі туралы хабарлайды. Аталған облигациялар жалпы көлемі 5 млрд АҚШ долларына дейінгі орта мерзімді бағалы қағаздар бағдарламасы аясында шығарылған.
Облигациялар теңгемен шығарылған, айналым мерзімі үш жыл, ал жалпы шығарылым көлемі 230 млрд теңге. Облигациялар бойынша купон бекітілген және 16.950% мөлшерлемемен жылына екі рет төленеді.
AIX Басқарма төрайымы Асель Мұқажанова былай атап өтті:
«Бұл мәміле AIX алаңында ұлттық валютадағы шығарылымдардың тұрақты ағынын қалыптастыруға ықпал етеді және тұрақты әрі әртараптандырылған капитал нарығының кезең-кезеңімен дамуын көрсетеді. Теңгедегі құралдар шығарылымын кеңейту қаржылық тұрақтылықты нығайту және жергілікті инвесторлар базасын кеңейту жолындағы маңызды қадам болып табылады».
Мәміле бойынша J.P. Morgan, Société Générale Corporate & Investment Banking, Alatau City Invest және ForteFinance бірлескен букраннерлер ретінде әрекет етті.
Анықтамалық ақпарат:
AIX 2017 жылы «Астана» халықаралық қаржы орталығын дамыту аясында құрылды. AIX акционерлері қатарында АХҚО, Шанхай қор биржасы, Жібек Жолы Қоры және AIX сауда платформасын ұсынатын NASDAQ биржасы бар. Биржа ағылшын құқығы қағидаттарына негізделген нормативтік-құқықтық орта аясында жұмыс істейді, осылайша сенімді инвестициялық ортаны қамтамасыз етеді. Толығырақ: www.aix.kz
«Астана» халықаралық қаржы орталығы (АХҚО) — халықаралық стандарттарға сай ашық әрі тиімді бизнес жүргізуге, инвестиция тартуға және жаңа өнімдер мен қызметтерді енгізу арқылы елдің қаржы нарығын дамытуға арналған экожүйе. aifc.kz
