AFSA цифрлық активтер қызметтерін жеткізушілер мен Қазақстанның коммерциялық банктерінің өзара іс қимыл ережелерін қабылдады
АХҚО Қаржы қызметтерін реттеу жөніндегі комитеті (AFSA) ұлттық реттеуші органдармен бірлесіп «Астана» халықаралық қаржы орталығында (АХҚО) лицензияланған субъектілердің кең ауқымы мен Қазақстанның коммерциялық банктері арасындағы өзара іс-қимылды дамытатын кешенді ережені әзірледі. Бұл бастама бірінші кезекте АХҚО-да лицензияланған цифрлық активтер биржалары үшін Қазақстанның коммерциялық банктеріне қол жеткізуді жеңілдетуге бағытталған бастапқы пилоттық жобаны айтарлықтай көтеру үшін жасалып отыр.
Жаңа ережелер цифрлық активтер жеткізушілердің кең ауқымын қоса алғанда, қызметтер сферасын кеңейтеді. Енді оларға цифрлық активтердің, қорларды басқарушылардың брокерлік компаниялары кіреді, осылайша Қазақстанның коммерциялық банктерімен өзара іс-қимыл жасай алатын субъектілер шеңбері кеңейеді. Ережелердің айрықша ерекшелігі – олар енді пилоттық жобаға қатысатын банктерге ғана емес, сонымен қатар елдің басқа банктеріне де қатысты.
Жаңа ережелер «Қазақстан Республикасындағы цифрлық активтер туралы» Қазақстан Республикасы Заңының 11-бабының 6-тармағына сәйкес әзірленді. AFSA бұл ережелер АХҚО-да, жалпы Қазақстанда да цифрлық активтер экожүйесінің барлық қатысушыларына пайда әкеле отырып, неғұрлым ашық және тұрақты реттеуші орта тудырады деп сенім білдіреді.
Бұл жетістік Қазақстанның коммерциялық банктері арқылы цифрлық активтер биржалары үшін фиаттық арналарын интеграциялауға ықпал еткен пилоттық жобаны табысты іске асырудың тікелей нәтижесі саналады. Қазіргі уақытта пилоттық жобаның транзакциялар көлемі шамамен 220 миллион долларды құрады. Жаңа ережелер пилоттық жоба барысында алынған қадағалау тәжірибесіне негізделеді және Қазақстан Республикасындағы цифрлық активтер туралы Заңның ережелеріне сәйкес келеді.
Ережелер цифрлық активтермен байланысты қызметке және АХҚО банктері үшін олардың бұрын AFSA белгілеген цифрлық активтер қызметтерін жеткізушілермен өзара іс-қимылында басшылыққа алынатын қолданыстағы ережелер жинағына маңызды қосымша болып табылады.
Ереже 2024 жылғы 1 қаңтардан бастап күшіне енеді, осылайша АХҚО мен елімізде цифрлық активтер секторында дамудың жаңа кезеңін ашады.
Бұған пікір бере отырып, AFSA Бас директоры Нұрхат Көшімов: «Ережелер AFSA, Қазақстан Ұлттық Банкі мен Қаржы нарығын реттеу және дамыту агенттігінің бірлескен жұмысының нәтижесі болып табылады. Бұл Қазақстанда цифрлық активтер индустриясын дамытуға біздің ортақ көзқарасымызды тағы да көрсетеді. Біздің басты мақсатымыз – АХҚО–ны жаһандық қаржы институттары үшін тартымды ету», деп атап өтті.
Қаржы технологиялары кеңсесінің басқарушы директоры Еркеғали Еденбаев: «Пилоттық жоба АХҚО қатысушыларына банк инфрақұрылымымен жұмыс істеуге мүмкіндік берген маңызды жетістік болды. Алынған тәжірибе жаңа ережелердің негізгі тұжырымдамаларын қалыптастыру үшін пайдаланылды. Бұл өз кезегінде АХҚО–да цифрлық активтер индустриясының дамуына қосымша серпін береді деп күтілуде».
Анықтамалық ақпарат:
АХҚО қаржы қызметтерін реттеу жөніндегі комитеті (AFSA) «Астана» халықаралық қаржы орталығы туралы» Қазақстан Республикасының Конституциялық заңына сәйкес «Астана» халықаралық қаржы орталығында қаржы қызметтерін және олармен байланысты қызметті реттеу мақсатында құрылған АХҚО тәуелсіз реттеушісі болып табылады. АХҚО ережелері мен ережелері қаржы компаниялары мен нарықтық мекемелерді лицензиялау, тіркеу, аккредиттеу және қадағалау мәселелерін көздейді.
АХҚО-да 78 елден 2400-ден астам қатысушы компания тіркелген. Бұл компаниялар банктік, сақтандыру, инвестициялық, кәсіби және басқа қызметтерді ұсынады. АХҚО-да ұсынылатын қаржылық қызметтер спектрін Лондон, Гонконг, Сингапур, Дубай сияқты әлемнің бұрыннан қалыптасқан қаржы орталықтарындағы қолжетімді қызметтер тізімімен салыстыруға болады. www.afsa.kz
«Астана» халықаралық қаржы орталығы (АХҚО) – бизнесті ашу немесе жүргізу, инвестициялар тарту, жұмыс орындарын құру, Қазақстан экономикасын дамыту үшін қолайлы құқықтық әрі реттеуші ортасы және дамыған инфрақұрылымы бар тәуелсіз юрисдикция. www.aifc.kz
Байланыс ақпараты:
Қоғаммен байланыс және коммуникациялар департаменті
+7 (717) 264 73 43; +7 7172 61-37-45
