Ресейлік «Новосталь – М» металлургиялық холдингі АХҚО қатысушысы болуға ниетті
2021 жылғы 27 қазанда Ресей Федерациясының ірі металлургиялық холдингі “Новосталь-М” ЖШҚ – ның (бұдан әрі – Холдинг) басшылығы оның акционері және Бас директоры Иван Демченконың атынан “Астана” Халықаралық Қаржы орталығына барды.
Бұл сапарды АХҚО Жасыл қаржы орталығы мен Еуразиялық даму банкі (бұдан әрі-ЕАДБ) ұйымдастырды.
Сапар барысында барлық органдар мен ұйымдардың туры мен тұсаукесерлері өткізілді. АХҚО Соты мен Төрелік орталығының, Экспат – орталығының және AIX биржасының мүмкіндіктері ұсынылды. TechHub және BCPD жалпы металлургия саласының даму тенденцияларын ескере отырып, мүмкін болатын ынтымақтастық жағдайларын ұсынды.
«Новосталь-М» Краснодар өлкесінде орналасқан Абинский электрометаллургиялық зауыты және Саратов облысында орналасқан «МЗ Балаково» АҚ сияқты кәсіпорындарды басқаратын металлургиялық холдинг болып табылады. Болат өнімдерін өндірудің жалпы көлемі жылына шамамен 3 миллион тонна өнімнің 80% экспортқа, оның ішінде Қазақстанға жеткізіледі.
Қонақтардың негізгі назары Жасыл қаржы орталығымен Холдинг құрылымдары үшін ESG саясатын әзірлеу, жасыл қаржыландыру құралдарын енгізу және жасыл технологияларды тарту бөлігінде ынтымақтастық мәселелеріне аударылды.
{img}
Сапар қорытындысы бойынша «Новосталь-М» ЖШҚ Еуразиялық Даму Банкімен және АХҚО Жасыл қаржы орталығымен өзара түсіністік және әріптестік туралы үшжақты меморандумға қол қойылды.
Меморандумға сәйкес ЕАДБ Холдингтің жасыл жобаларына қаржылық қолдау көрсетеді. Жасыл жобаларға кеңес беру, бағалау және іріктеуді Жасыл қаржы орталығы жүргізеді.
ЕАДБ Басқарма төрағасының орынбасары Амангелді Исенов: «Өзінің инвестициялық қызметін жүзеге асыра отырып, ЕАДБ үш аспектіге: тұрақты дамуға, экономикалық интеграцияға жәрдемдесуге және әлеуметтік және экологиялық жауапкершілік қағидаттарын сақтауға ерекше назар аударады. Бүгінгі таңда “Новосталь-М” компаниясы қоршаған ортаға теріс әсерді төмендетуге бағытталған іс-шаралар өткізуде, ESG-принциптерін өз кәсіпорындарында да, жалпы электрометаллургиялық салада да енгізуде. Еуразиялық даму банкі осындай бастамаларды қолдайды және металлургия холдингінің “жасыл” бағытын дамытуға қажетті жәрдем көрсетуге дайын».
Жалпы, АХҚО-ға сапардың қорытындысы бойынша Холдинг Business Connect-пен бірлесіп АХҚО-да кеңсе ашу мәселесін пысықтайды, TechHub және BCPD холдингтің C4IR жобасына және білім беру бағдарламаларына қатысуы бойынша өз ұсыныстарын жібереді.
Өз кезегінде ресейлік холдинг басшысы: “Мен АХҚО-да батыл инновациялық жобаларды іске асыруға болатын жайлы іскерлік оазис құрылғанына қуаныштымын”, – деп атап өтті. Бұдан басқа, Холдинг басшысы И. Демченко мырза АХҚО қызметкерлерін Ресейдің ірі металлургиялық компаниялары алдында АХҚО-ның кең тұсаукесерін өткізу үшін “Металл ЭКСПО” Мәскеу халықаралық конгресіне (2021 жылғы 9-12 қараша айында) қатысуға шақырды. Оның пікірінше, АХҚО-ның барлық өнімдері мен қызметтері Металлургтер арасында үлкен қызығушылық тудырады.
Анықтамалық ақпарат:
«Астана» Халықаралық қаржы орталығы Қазақстан Республикасының Тұңғыш Президенті – Елбасы Нұрсұлтан Назарбаевтың бастамасымен “Бес институционалды реформаны іске асыру бойынша 100 нақты қадам” Ұлт жоспары аясында құрылды.2020 жылдың 2 шілдесінде АХҚО Басқару кеңесінің отырысы аясында Орталықтың 2025 жылға дейінгі даму стратегиясы қабылданды. Құжатқа сай, АХҚО Орталық Азия, Кавказ, ЕАЭО, Батыс Қытай, Моңғолия мен Шығыс Еуропа елдеріндегі алдыңғы қатарлы қаржы орталығы болып қалыптасу көзделген.
АХҚО міндеті өңірдің ұзақмерзімді тұрақты дамуына ықпал ету. Мемлекет басшысы Қ.Тоқаев атап өткендей, «АХҚО өзінің теңдессіз мүмкіндіктерімен өңір елдерін байланыстырушы ерекше платформаға айнала алады». АХҚО–ның тұрақты дамуының стратегиялық бағыттары жабық циклді экономика, қаржы технологиясы мен «цифрлық қаржы орталықты» дамытуды қамтиды. www.aifc.kz
АХҚО Жасыл қаржы орталығы бұл Қазақстан мен Орталық Азияда жасыл қаржыны дамытуға жәрдемдесу үшін құрылған АХҚО ұйымы. Негізгі мақсат-жасыл және әлеуметтік облигациялар сияқты трендтік қаржы құралдары арқылы тұрақты экономикаға инвестициялар тарту. Бұдан басқа, АХҚО жасыл қаржы орталығы өңірлік талдау орталығы бола отырып, үкіметтерге, квазимемлекеттік ұйымдар мен кәсіпкерлерге жасыл қаржы және тұрақты даму саласындағы стратегиялық және бизнес-консультациялар береді. Орталық әлеуетті эмитенттерге, инвесторлар мен нарық ойыншыларына АХҚО биржасында жасыл облигацияларды шығаруға дайындық мәселесі бойынша алғашқы көмек көрсетеді. www.gfc.aifc.kz
Еуразиялық Даму Банкі (ЕАДБ) — еуразиялық кеңістікте инвестициялық қызметті жүзеге асыратын халықаралық қаржы ұйымы. ЕАДБ 15 жылдан бері Армения, Беларусь, Қазақстан, Қырғызстан, Ресей және Тәжікстан елдерінің экономикалық байланыстарын нығайту мен кеңейтуге және жан-жақты дамуына ықпал етіп келеді. ЕАДБ жарғылық капиталы 7 млрд АҚШ долларын құрайды. ЕАДБ портфеліндегі негізгі үлесті көлік инфрақұрылымы, цифрлық жүйелер, жасыл энергетика, ауыл шаруашылығы, өнеркәсіп және машина жасау салаларындағы интеграциялық әсері бар жобалар алады. Банк өз қызметінде БҰҰ-ның Тұрақты даму саласындағы мақсаттарын және ESG қағидаттарын басшылыққа алады.
“Новосталь-М” – екі ірі өнеркәсіптік кәсіпорынды біріктіретін металлургиялық холдинг: қала құраушы “Абинский электрометаллургиялық зауыт” ЖШҚ (Краснодар өлкесі) және “Балаково металлургиялық зауыты” АҚ (Саратов облысы). Холдинг жылына 2,8 млн тоннадан астам болат өндіреді. Негізгі өнім – құрылыс прокаты, созба сым, фасонды прокат, жабындардың әртүрлі түрлері бар сым.
Жалпы алғанда, холдинг зауыттарында 6000-нан астам адам жұмыс істейді, ал 2020 жылғы жалпы кіріс 82,9 миллиард рубльді құрады. Екі кәсіпорын да перспективалы инвестициялық жобаларды жүзеге асырады, металлургия саласына, жұмыспен қамтуға, барлық деңгейдегі бюджеттерге салық түсімдерінің көлеміне айтарлықтай әсер етеді және әлеуметтік-экономикалық дамуға айтарлықтай үлес қосады.
