Алматы қаласында Қазақстанның заң қоғамдастығымен жұмыс кездесуі өтті
«Астана» халықаралық қаржы орталығы (бұдан әрі – АХҚО) Қазақстанның заң қоғамдастығы өкілдерімен жұмыс кездесуін ұйымдастырды. Іс-шараның мақсаты жергілікті заңгерлермен өзара іс-қимылды нығайту, сонымен қатар АХҚО-ның қызметіне қатысты өзекті мәселелерді талқылау үшін пікірсайыс алаңын құру болды.
Жұмыстық кездесу Baker McKenzie серіктесі А. Коробейникова, «KazBar» Заң консультанттары палатасының Төрағасы Ж. Елубаева сияқты жетекші заң фирмаларының басшыларын бір алаңға жинады. АХҚО тарапынан шараға АХҚО Құқық академиясының мүшесі И. Рогов, АХҚО Басқарма Төрағасының Бірінші орынбасары М. Әйтенов және АХҚО Биржасының өкілі қатысты.
Кездесуге қатысушыларға АХҚО-ның ағымдағы жетістіктері мен 2020 жылға жоспарлары туралы ақпарат берілді. Сонымен қатар, АХҚО-ның юрисдикциясы мен оны қолдануға қатысты практикалық мәселелер талқыланды. Атап айтқанда, АХҚО құқықтық жүйесіндегі жұмыстың ерекшеліктері, мемлекеттік компаниялардың Халықаралық төрелік орталығындағы сот процестеріне қатысу мүмкіндіктері, АХҚО-да бағалы қағаздармен жасалатын мәмілелерді реттеу және т.б. мәселелер талқыға түсті.
Кездесу қорытындысы бойынша қатысушылар ақпаратпен және АХҚО жұмысының практикалық тәжірибесімен алмасты, сондай-ақ қызықтырған сұрақтарына жауаптар алды, бұл АХҚО мен Қазақстанның заң қауымдастығы арасындағы өзара тиімді қатынастардың дамуына жаңа серпін береді.
Сұраулар:
АХҚО. «Астана» халықаралық қаржы орталығы (АХҚО) Қазақстан Республикасының Тұңғыш Президенті – Елбасы Нұрсұлтан Назарбаевтың бастамасымен құрылған. «АХҚО туралы» Конституциялық заңға 2015 жылғы 7 желтоқсанда қол қойылды. АХҚО-ның мақсаты – халықаралық деңгейдегі қаржылық қызметтердің жетекші орталығын қалыптастыру. АХҚО-ның міндеттері ел экономикасына инвестициялар тартуға жәрдемдесу, қаржылық қызмет көрсету саласында инвестициялау үшін тартымды орта құру, Қазақстан Республикасының Бағалы қағаздар нарығын дамыту және оның халықаралық капитал нарықтарымен интеграциялануын қамтамасыз ету болып табылады.
www.aifc.kz
