АХҚО 2023 жылдың үшінші тоқсанында басқарылатын активтер бойынша рекордтық көрсеткішке жетті.
АХҚО басқаруындағы активтер қор және актив басқарушыларын да қамти отырып, 2023 жылдың үшінші тоқсанында ағымдағы жылдың бірінші тоқсанымен салыстырғанда 52%-ға өсіп, 1 млрд рекордтық деңгейіне жетті. Бұл жетістік өткен жылдың сәйкес кезеңінің көрсеткішінен екі есе көп. Аталған кезеңде қорлардың жалпы саны 20-дан 37-ге дейін өсті.
2023 жылдың үшінші тоқсанындағы жағдай бойынша АХҚО хедж-қорлары бірінші кезекте жария нарық құралдарына, үлестік бағалы қағаздарға, сондай-ақ қазақстандық ақша нарығына артықшылық береді. АХҚО венчурлық қорлары Азия өңіріндегі финтех және білім беру саласындағы стартаптарға инвестиция салуға басымдық береді. 2023 жылдың үшінші тоқсанында венчурлық капиталға маманданған АХҚО қор басқарушыларының бірінде тартылған инвестициялар сол жылдың бірінші тоқсанымен салыстырғанда 220%-ға ұлғайды. Компания бірінші кезекте финтех, кадрларды басқару және білім беру секторларындағы стартаптарды қаржыландыруға шоғырланған. Мұндай мысалдар инвесторлардың АХҚО венчурлік қызметіне қатысуға дайындығының артып келе жатқанын көрсетеді.
АХҚО-ға қатысуға халықаралық компаниялар көбірек қызығушылық танытуда. Мысалы, жақында AFSA шетелдік қордың бірінші басқарушысын, яғни Венгрияның Орталық Банкін реттейтін мажарстандық Еquilibrium Capital Ltd компаниясын тартты.
АХҚО-дағы активтер мен қорларды басқару секторында жалғасып жатқан өсімге пікір бере отырып, AFSA Бас директоры Нұрхат Көшімов: «Соңғы сандар біздің АХҚО-ны бизнесті тиімді және жауапкершілікпен жүргізуге ұмтылатын қор менеджерлері үшін тамаша орынға айналдыруға деген ұзақ мерзімді ұмтылысымызды көрсетеді. Бұл өсу стратегиялық көзқарастың және осыны жүзеге асырудың бірізді қадамдарының нәтижесі болып табылады. Мысалы, біз ESG қорларын Қорды басқару секторындағы арнайы қорлардың жеке түріне қосу бойынша қоғамдық консультацияларды аяқтадық. Біз оны келесі жылдың басында қабылдайды деп күтеміз. Бұл АХҚО-дағы қорларды басқару экожүйесін бизнес үшін неғұрлым қолайлы етуге бағытталған көптеген ағымдағы бастамалардың бірі ғана», деп атап өтті.
Анықтамалық ақпарат:
ESG (Environmental, Social and Governance) – қоршаған ортаға, әлеуметтік салаға инвестициялау және бұл басқару әлеуетті инвестицияларды тексеру үшін әлеуметтік саналы инвесторлар пайдаланатын компаниялардың тәртіп стандарттарының жиынтығы болып табылады.
АХҚО қаржы қызметтерін реттеу жөніндегі комитеті (AFSA) «Астана» халықаралық қаржы орталығы туралы» Қазақстан Республикасының Конституциялық заңына сәйкес «Астана» халықаралық қаржы орталығында қаржы қызметтерін және олармен байланысты қызметті реттеу мақсатында құрылған АХҚО тәуелсіз реттеушісі болып табылады. АХҚО ережелері қаржы компаниялары мен нарықтық мекемелерді лицензиялау, тіркеу, аккредиттеу және қадағалау мәселелерін көздейді.
АХҚО-да 78 елден 2300-ден астам қатысушы компания тіркелген. Бұл компаниялар банктік, сақтандыру, инвестициялық, кәсіби және басқа қызметтерді ұсынады. АХҚО-да ұсынылатын қаржылық қызметтер спектрін Лондон, Гонконг, Сингапур, Дубай сияқты әлемнің бұрыннан қалыптасқан қаржы орталықтарындағы қолжетімді қызметтер тізімімен салыстыруға болады. www.afsa.kz
«Астана» халықаралық қаржы орталығы (АХҚО) – бизнесті ашу немесе жүргізу, инвестициялар тарту, жұмыс орындарын құру, Қазақстан экономикасын дамыту үшін қолайлы құқықтық әрі реттеуші ортасы және дамыған инфрақұрылымы бар тәуелсіз юрисдикция. www.aifc.kz
Байланыс үшін: Қоғаммен байланыс және коммуникациялар департаменті
+7 (717) 264 73 43; +7 7172 61-37-45; [email protected]
